Commons:Bienllegáu

¿Qué ye Wikimedia Commons? Wikimedia Commons ye un depósitu multimedia que foi creyáu y caltiense por xente voluntario y artistes non pagaos. El so nome "Wikimedia Commons" ye un deriváu del nome del proyeutu inicial "Uiquimedia", que caltien tolos proyeutos de Uiquimedia y del vocablu inglés commons (n'asturianu: andecha) darréu qu'el so conteníu ye compartíu por tolos proyeutos de Uiquimedia, en delles llingües y de delles menes. Commons apurre, d'esta miente, un depósitu centralizáu de semeyes, diagrames, dibuxos animaos, música, voz grabao, video y archivos multimedia llibres de toa mena que son enforma afayaízos pa cualesquier proyeutu de Uiquimedia. Wikimedia Commons usa la mesma teunoloxía uiqui y darréu d'esto pue editase cenciellamente por cualesquier persona direutamente col usu del so navegador ensin conocimientos teunolóxicos avezaos. A desemeyanza d'archivos xubíos a otros proyeutos de Wikimedia, los archivos xubíos a Commons puen usase en toles páxines de tolos proyeutos de Wikimedia ensin tener que xubilos per separtao a talu proyeutu. El proyeuto llanzóse el 7 de setiembre de 2004 y algamó les 100,000 xubíes pal 24 de mayu de 2005 y anguaño tien 80,423,805 archivos y 78,205,863 galeríes (la coma úsase como separtador de millares nestes cifres). Más información detallada sobro'l proyeutu pues alcontrala nel so artículu en Wikipedia y en Meta. A desemeyanza de depósitos multimedia tradicionales, Commons ye llibre. Permítese que cualesquier archivu seya usáu, copiáu y camudáu mentantu que se mente la fonte y los autores y mentantu tú lliberes les tos copies/meyores nel mesmu sen. La base de datos de Commons en sí ye llicenciada baxo la llicencia de documentación llibre GNU. Les condiciones de llicencia de ca archivu pue alcontrase na páxina de descripción d'esi archivu. Más información sobro condiciones d'usu...

Participa Pues aidar en Commons andechando no que meyor faigas: Aporta les tos xeres Si yes bon fotógrafu, nun dubies en contribuyir coles tos imáxenes, si yes bon diseñador, revisa aquellos diagrames y dibuxos animaos más solicitaos, si yes un bon músicu o artista de películes o teatru, nun dubies n'asoleyar les tos propies grabaciones d'obres llibres equí. Aporta'l to estolaxe Nun fai falta que xubas los tos propios archivos. Hai trabayu enforma importante n'otres estayes: Torna testos d'aida a una llingua desemeyada del inglés. Meyora imáxenes. Identifica oxetos desconocíos. Aporta'l to tiempu Tampocu nun fai falta que seyas bonu faciendo obres d'arte o escribir testos d'aida. Si t'afayes como en ca tresnando'l caos pa facer orde, ¡fainos falta un gabitu! Ca vegada qu'adiques un archivu que carez d'información sobro la so llicencia o fonte, márcalu. {{subst:nsd}}. Igua un archivu güérfanu (Categoriza una imaxe o ponla nuna galería). Categoriza páxines ensin categoría. Nomina o vota por imáxenes destacaes (requier tar rexistráu).

Rexístrate Pa poder xubir archivos a Commons, necesites tar rexistráu. Pues rexistrate faciendo clic nel enllaz "Log in / create account" na esquina superior a mandrecha ya introduciendo un nomatu (o si te presta, el to braeru nome) que figurará en toles aportaciones nesti proyeutu. Sicasí, si namás quies editar páxines nun te fai falta tar rexistráu (magar que ye aconseyao). Tutorial de primeros pasos Les páxines primeros pasos y FAQ sirviránte enforma tres de rexistrate. Nelles alcuéntrase una desplicación de cómo faer pa personalizar la interfaz (l'idioma, por exemplu), cómo xubir archivos y sobro la nuesa políca básica de llicencies. Nun necesites de sabencies téuniques p'andechar equí. Sé valiente andechando equí y presume bona fe de les intenciones d'otros. Esto ye un uiqui - ye abondo cenciello. Más información tá disponible nel Portal de la comunidá. Pues facer entrugues nel Chigre o pel canal IRC #wikimedia-commons. Los archivos en Commons tan tresnaos en categoríes y galeríes. Un resume de les categoríes esistentes, tiéneslu nel Entamu. Software y servicios adicionales Sicasí, si entá camientes que ye un procesu enforma abegosu pa ti o si quies xubir munches de les tos otres, pues usar el serviciu de xubess d'archivos pa solicitar que otros xuban los archivos por ti. Si quies xubir una gran cantidá por tí mesmu, el programa Commonist sedráte d'aida. Si necesites información específico sobro erbíes pa ver o editar el nuestu conteníu, empobina a la páxina sobro software. Esperamos que te preste y qu'esfrutes Commons.