Commons:Addumannati friquenti

Alemannisch | català | dansk | Deutsch | English | Esperanto | español | français | galego | עברית | magyar | interlingua | italiano | 日本語 | ភាសាខ្មែរ | 한국어 | Lëtzebuergesch | norsk bokmål | Nederlands | norsk nynorsk | polski | português | română | русский | slovenščina | suomi | svenska | 中文（简体） | 中文（繁體） | +/−

Play media

Sta WikiGuida ti pò aiutari a chiùmpiri li primi passi ntô munnu di Commons (prubblemi di visualizzazzioni?)

Addumannati supra lu pruggettu n ginirali

Zocch'è stu situ

Wikimedia Commons è n'archiviu di file multimidiali (mmàggini, sònira, vìdiu) ca ponnu èssiri usati ntê vari pruggetti Wikimedia, comu Wikipedia n lingua siciliana, Wikizziunariu, Wikibooks e li sò currispunnenti n àutri lingui.

Pozzu agghiùnciri matiriali nta stu situ?

Certu ca poi! Anzi, chistu è zocchi vulemu tu fazza. Sulu hai a tràsiri cô tò nomu utenti, si nun l'hai ancora fattu (abbasta taliari ntâ barra n àutu, a manu dritta) e quinni utilizzari lu culligamentu Càrrica ntô menu a manu manca.

Chi tipu di matiriali pozzu carricari?

Qualegghiè cosa pò èssiri usata ntê pruggetti Wikimedia, lu chi voli diri na varità di file particularmenti ampia, pirchì li pruggetti stissi sunnu ntra li chiù disparati. N ogni casu hai carricari file ca ricàdinu sutta una dê licenzi cunzintuti (cunzurta prima Commons:Licenzi, si nun sî nu spertu). Esempi di licenzi cunzintuti sunnu la CC-BY-SA e lu duminiu pùbblicu.

C'è nu standard pi na discrizzioni ottimali dê file?

Sì, cunzurta Commons:First steps/Quality and description#Good file descriptions (n ngrisi).

Chi risuluzzioni avìssiru a aviri li mmàggini ca càrricu?

È graduta la risuluzzioni chiù granni dispunìbbili.

Nta chi manera pozzu utilizzari sti file supra l'àutri pruggetti Wikimedia?

Esattamenti comu si lu file avissi statu carricatu direttamenti nta ddu pruggettu.

Comu si trasfirisci un file di n'àutru pruggettu Wikimedia a Commons?

Talìa Aiutu:Trasfiriri mmàggini nta Commons.

Pozzu utilizzari lu matiriali nta stu situ fora di Wikimedia?

Certu ca poi. Pirò prima hai a cuntrullari la pàggina di discrizzioni dô file (pi cunzurtàrila abbasta fari clicchi ntâ mmàggini o ntô vìdiu) pi taliari sutta quali licenzi fu pubblicatu. Ntâ maiuri parti dê casi nun c'avissi a èssiri nuddu prubblema nta l'utilizzari lu file, purchì vennu citati l'auturi e li nfurmazzioni di copyright ogni vota ca veni ripubblicatu. Talìa Commons:Riusu dô cuntinutu fora di Wikimedia pi chiossai dittagghi.

Quali sunnu li piani pi stu pruggettu?

Talìa Commons:Project plan (n ngrisi).

Zocch'è n'amministraturi e comu lu pozzu addivintari?

Talìa Commons:Amministratura.

Unni pozzu addumannari aiutu?

Addumanna ô Cìrculu.

Comu travagghia Commons cu àutri pruggetti sìmili?

Talìa p'esempiu Commons:Cullabburazzioni cu Ourmedia.

Sutta quali licenzi hannu a èssiri li file ca càrricu?

Cunzurta Commons:Licenzi.

Chi tipu di file ponnu èssiri carricati?

Talìa Commons:Li tipi di file.

Zocch'haiu a fari si m'addugnu ca na pàggina o un file hannu a èssiri cancillati?

Talìa Commons:Règuli pâ cancillazzioni

Chi lingua haiu a usari ntô situ?

Talìa Commons:Lìnia guida supra li lingui. La lingua ufficiali di Commons è lu ngrisi, ma pi tuttu zocchi nun arriguarda lìnii guida ufficiali o numinclatura di catigurìi sintuti lìbbiru d'utilizzari lu sicilianu (puru pê noma dê file).

Addumannati supra lu copyright

Pozzu fotugrafari un munumentu o n'edificiu ca s'attrova n Sicilia?

Talìa Commons:Libbirtà di panurama. Nunostanti sia prisenti pirmanentimenti ntôn locu pùbblicu, ô paru di qualegghiè àutra òpira d'arti addipenni dâ data di dicessu di l'auturi di l'òpira stisa. Si dicidìu chiù di 70 anni fa, si pò fotugrafari. Autrimenti, ci voli lu pirmissu scrittu di l'artista o di l'architettu (o comuegghiè di cui nni pò auturizzari la ripruduzzioni fotugràfica). Teni prisenti ca divieti evintuali arriguàrdanu esclusivamenti lu rapportu ntra tìa (fotògrafu) e la stituzzioni ca punìu lu divietu di fotugrafari; Commons nun teni cuntu di st'aspettu. Quinni, poi carricari li tò fotu nta Commons, ma teni prisenti ca prubblemi ligali evintuali ca putìssiru dirivari n sèguitu dô nun aviri rispittatu tali divieti arriguàrdanu sulamenti a tìa. Noltri, ci putìssiru èssiri dê vìnculi ligati ê suprintinnenzi ê beni culturali: lèggiti cu attinzioni lu cuntinutu di l'avvisu {{Suprintinnenza}}.

Pozzu fotugrafari l'òpiri ca s'attròvanu ntôn museu?

Si l'òpiri sunnu abbastanti antichi (auturi mortu di chiù di 70 anni), sì. La prisenza di divieti evintuali ntô museu arriguàrdanu esclusivamenti lu rapportu ntra tìa (fotògrafu) e lu museu; Wikimedia Commons, puru ncuraggiannu sempri di nun viulari li normi viggenti n ogniduna nazzioni, nun teni cuntu di st'aspettu. Quinni, è pussìbbili carricari tali fotu nta Commons. Teni pirò prisenti ca prubblemi ligali evintuali ca putìssiru dirivari dô nun aviri rispittatu divieti evintuali rèstanu a tò càrricu esclusivu.

È pussìbbili carricari la fotu dûn quatru anticu scarricata di Internet?

Quannu si ntenni carricari la ripruduzzioni fotugràfica di n'òpira pittòrica bidiminziunali ci voli tèniri prisenti ca sunnu cuinvolti dui copyright: chiddu supra lu dipintu (ca, essennu l'òpira antica, è scadutu) e chiddu supra la ripruduzzioni fotugràfica. Puru si st'ùrtima nun è dispunìbbili cu na licenza lìbbira, è pussìbbili carricàrila lu stissu n quantu la Wikimedia Foundation cunzìdira la mera ripruduzzioni fotugràfica dûn dipintu n'òpira talmenti sìmplici di èssiri ntô duminiu pùbblicu. Va utilizzatu {{PD-Art}}. Purtroppu la chistioni, macari si pò appariri banali, prisenta nummirusi sfumaturi ligali, n particulari pi l'utenti italiani: si nun s'è sperti, è sempri megghiu addumannari prima ô Cìrculu.

È pussìbbili carricari lu logu di n'azzienda o di na squatra spurtiva?

Pê règuli supra lu copyright di Commons, un logu nun è àutru ca n'òpera dii l'arti figurativa (comu pò essìrilu na llustrazzioni, un disignu, un quatru). Quinni, addipenni dô logu:

• si è sufficientimenti origginali e criativu di supirari l'accussidditta "sogghia d'origginalità" (threshold of originality), lu logu è prutiggiutu pi 70 anni doppu la morti di l'auturi. Nta stu casu lu carricamentu havi a èssiri effittuatu n lucali ntê pruggetti c'accèttanu stu tipu di file prutiggiuti: p'esempiu, nta en.wiki veni sfruttatu lu "fair use" (Wikipedia:Logos), nta scn.wiki lu còdici dâ prupità nnustriali (WP:CI#Marchi riggistrati).
• si è un logu assai sìmplici, pò èssiri carricatu nta Commons. Talìa Commons:Threshold of originality p'esempi di loghi sìmplici/nun sìmplici. Ntô dubbiu, aspetta a carricari e addumanna cunzigghi e opinioni ô Cìrculu. Nta stu casu, va usatu lu tag di copyright appòsitu, {{PD-text-logo}} e va agghiunciutu l'avvisu {{Trademark}}.

Addumannati tècnichi

È pussìbbili rinuminari un file?

Talìa Commons:Rinuminari file.

Comu arrisorvu li prubblemi di visualizzazzioni dê vìdiu?

Talìa Commons:Aiutu multimedia.

Vitti ca n'utenti carricau diversi file ca sunnu palesi viulazzioni di copyright. Zocchi fazzu?

Si sî certu ca sunnu viulazzioni di copyright, addumànnanni la cancillazzioni mmidiata. Hai diversi strati, ntra li quali:

1. assignalàrili una pi una nzirennu {{Copyvio|MUTIVU}} ntâ pàggina dô file (cunzigghiu: cu Help:VisualFileChange.js n poi click poi assignalari macari dicini di file cuntimpuraniamenti);
2. cuntattari a n'admin;
3. scrìviri ô Cìrculu;
4. pi l'emirgenzi, scrìviri nta Commons:Administrators' noticeboard/User problems.

Arricorda: si nun sî certu ca sunnu viulazzioni di copyright, si hai dubbi, addumanna la cancillazzioni ordinaria, nun mmidiata.